തൊടുപുഴ : ഇടുക്കിയില് എസ്എഫ്ഐ പ്രവര്ത്തകന് ധീരജിനെ വെട്ടിക്കൊലപ്പെടുത്തിയ സംഭവത്തില് ഒരാള് കൂടി അറസ്റ്റില്. പറവൂര് പുത്തന്വേലിക്കര സ്വദേശി അലക്സ് റാഫേല് എന്ന വിദ്യാര്ഥിയാണ് അറസ്റ്റിലായത്. ഇടുക്കി കരിമണല് സ്റ്റേഷനില് നിന്നുള്ള പോലീസ് സംഘമാണ് ഇയാളെ അറസ്റ്റ് ചെയ്തത്. ഇടുക്കി ഗവ. എന്ജിനീയറിംഗ് കോളേജിലെ മൂന്നാം വര്ഷ ബിടെക് വിദ്യാര്ഥിയും കെഎസ്യു യൂണിറ്റ് ഭാരവാഹിയുമാണ് അറസ്റ്റിലായ അലക്സ്.
അലക്സിന് കൊലപാതകത്തില് നേരിട്ട് പങ്കുണ്ടെന്നാണ് വിവരം. സംഭവത്തിന് പിന്നില് കൂടുതല് പ്രതികളുണ്ടെന്ന നിഗമനത്തിലാണ് പോലീസ്. പിടിയിലായ യൂത്ത് കോണ്ഗ്രസ് നേതാവ് നിഖില് പൈലിയുടെയും സുഹൃത്ത് ജെറിന് ജോജോയുടെയും അറസ്റ്റ് രേഖപ്പെടുത്തി. ധീരജിന്റെ മൃതദേഹം ജന്മനാടായ കണ്ണൂരിലേക്ക് കൊണ്ടുപോകും. സിപിഎം തളിപ്പറമ്പ് ഏരിയാ കമ്മിറ്റി ഓഫീസിലെ പൊതുദര്ശനത്തിന് ശേഷം മൃതദേഹം വീട്ടിലെത്തിക്കും. തളിപ്പറമ്പ് പട്ടപ്പാറിയില് പൊതുശ്മാശനത്തിലാണ് സംസ്കാരം നടക്കുക. സംഘര്ഷ സാധ്യത കണക്കിലെടുത്ത് കനത്ത സുരക്ഷയാണ് ജില്ലയില്
