ഡല്ഹി: ഡല്ഹിയിലെ വായുവിന്റെ ഗുണനിലവാരം മെച്ചപ്പെട്ടു. സിസ്റ്റം ഓഫ് എയര് ക്വാളിറ്റി ആന്ഡ് വെതര് ഫോര്കാസ്റ്റിംഗ് ആന്ഡ് റിസര്ച്ച് പ്രകാരം ഡല്ഹിയിലെ വായുഗുണനിലവാര സൂചിക ഇന്ന് രാവിലെ 176 ആയിരുന്നു.
കഴിഞ്ഞ ദിവസത്തെ എ.ക്യു.ഐ 221 ആയിരുന്നു. പൂജ്യത്തിനും 50 നും ഇടയിലുള്ള എ.ക്യു.ഐ നല്ലത്, 51 നും 100 നും ഇടയില് തൃപ്തികരം, 101 നും 200 നും ഇടയില് മിതമായത്, 201 നും 300 നും ഇടയില് മോശം, 301 നും 400 നും ഇടയില് വളരെ മോശം 401 നും 500 നും ഇടയില് കഠിനമായത് എന്നിങ്ങനെയാണ് വായുഗുണ നിലവാരം കണക്കാക്കുന്നത്.
നവംബര് 14 മുതല് ഉപരിതല കാറ്റിന്റെ വേഗത കുറയുകയും വടക്കുപടിഞ്ഞാറന് ദിശയില് നിന്ന് വരുന്ന പുക കുറയുകയും ചെയ്യുന്നതിലൂടെ വായു നിലവാരം മെച്ചപ്പെടാന് സാധ്യതയുണ്ടെന്ന് സഫര് പ്രവചിച്ചിരുന്നു.അയല് സംസ്ഥാനങ്ങളിലെ കൃഷിയിടങ്ങളിലെ തീയിടല് കുറഞ്ഞതും വായു നിലവാരം മെച്ചപ്പെട്ടതിന് കാരണമാണ്.
