കോഴിക്കോട് : എക്സൈസ് പരിശോധനയിൽ 500 ലിറ്റർ വാഷ് ശേഖരം കണ്ടെത്തി നശിപ്പിച്ചു. വടകര താലൂക്കിൽ കാവിലുംപാറ അംശം എടോന്നി ദേശത്ത് എടോനി തോട്ടിൽ നീരൊഴുക്ക് കുറഞ്ഞ പാറക്കെട്ടുകൾക്കിടയിലാണ് വാഷ് കണ്ടെത്തിയത്. ചപ്പുചവറുകൾ കൊണ്ട് മൂടപ്പെട്ട നിലയിൽ 200 ലിറ്റർ ഒരു ബാരലിലും 100 ലിറ്റർ കൊള്ളുന്ന മൂന്ന് ബാരലിലുമായി സൂക്ഷിച്ചുവെച്ച നിലയിലായിരുന്നു ഇത്. കണ്ടെത്തിയ 500 ലിറ്റർ വാഷ് എക്സൈസ് നശിപ്പിച്ചു.
കഴിഞ്ഞ ദിവസം ഉച്ചയ്ക്ക് ശേഷം കോഴിക്കോട് ഇ.ഇ. എ.എൻ.എസ്.എസ്. പ്രിവന്റിവ് ഓഫീസർ സന്തോഷ് ചെറുവോട്ടും പാർട്ടിയും ചേർന്നാണ് വാഷ് കണ്ടെത്തിയത്. കേസ് രേഖകളും സാമ്പിളും നാദാപുരം എക്സൈസ് റേഞ്ച് ഓഫീസിൽ ഹാജരാക്കി. പാർട്ടിയിൽ സിവിൽ എക്സൈസ് ഓഫീസർമാരായ ഷിബു. എം, സന്ദീപ് എൻ.എസ്, പ്രജിത്ത്. എം, സൈമൺ. ടി.എം, ഫെബിൻ എൽദോസ്, പ്രശാന്ത്. കെ.എം. എന്നിവരും ഉണ്ടായിരുന്നു.
