കോന്നി : കോന്നി നിയോജക മണ്ഡലത്തില് 2022 വര്ഷത്തില് ഒട്ടേറേ വികസന പദ്ധതികള് ഇനിയും നടപ്പില് വരുത്തേണ്ടതുണ്ടേന്നും സമയബന്ധിതമായി ഇത് നടപ്പാക്കണമെന്നും കോന്നി ബ്ലോക്ക് കോണ്ഗ്രസ് മണ്ഡലം പ്രസിഡന്റ് സന്തോഷ് ആവശ്യപ്പെട്ടു. അടൂര് പ്രകാശ് എം എല് എ യുടെ കാലഘട്ടത്തില് തുടങ്ങിവച്ച കോന്നി ബൈപാസ് ഇനിയും യാഥാര്ഥ്യമാകണം. ഇത് യാഥാര്ഥ്യമായാല് കോന്നിയില് വളരെ നാളായി നേരിടുന്ന ഗതാഗത കുരുക്കിനും പരിഹാരമാകും.
കോന്നി മെഡിക്കല് കോളേജ് ഉദ്ഘാടനം ചെയ്ത് പ്രവര്ത്തനമാരംഭിച്ചെങ്കിലും അത്യാഹിത വിഭാഗത്തില് അടക്കം ആവശ്യമായ ക്രമീകരണങ്ങളില്ല. ഇത് പൂര്ണ്ണ സജ്ജമാക്കണം. ടൂറിസം മേഖലയില് സംരംഭങ്ങള്ക്ക് തുടക്കം കുറിക്കണം. ഇതിന് ഒട്ടേറേ സാധ്യതകളുള്ള മണ്ഡലമാണ് കോന്നി. മുടങ്ങി കിടക്കുന്ന ചിറ്റൂര് കടവ് പാലം നിര്മ്മാണം പൂര്ത്തീകരിക്കണമെന്നും കോന്നി ടൗണില് ഓപ്പണ് എയര് സ്റ്റേജ് നിര്മ്മിക്കണമെന്നും ബ്ലോക്ക് കോണ്ഗ്രസ് മണ്ഡലം പ്രസിഡന്റ് ആവശ്യപ്പെട്ടു.