കൊച്ചി : നടിയെ ആക്രമിച്ച കേസില് അന്വേഷണ ഉദ്യോഗസ്ഥരെ വധിക്കാന് ഗൂഢാലോചന നടത്തിയെന്ന കേസില് ദിലീപിന്റെ ചോദ്യംചെയ്യല് അവസാനിച്ചു. മൂന്ന് ദിവസമായി ചോദ്യം ചെയ്തത് 33 മണിക്കൂറാണ്. ദിലീപിനെയും ഗൂഢാലോചന കേസിലെ മറ്റു പ്രതികളെയും ചോദ്യംചെയ്യാന് ഹൈക്കോടതി നല്കിയ സമയപരിധി ഇന്ന് അവസാനിച്ചിട്ടുണ്ട്.
ഇന്ന് ദിലീപിന്റെ അടുത്ത സുഹൃത്തും സംവിധായകനുമായ വ്യാസന് ഇടവനക്കാടിനെയും മൊഴിയെടുക്കാന് ക്രൈംബ്രാഞ്ച് വിളിച്ചുവരുത്തി. കഴിഞ്ഞ ഒരു വര്ഷത്തിനിടെ ദിലീപ് ഏറ്റവുമധികം തവണ ഫോണില് സംസാരിച്ചത് വ്യാസനുമായാണ് എന്ന് അന്വേഷണസംഘം കണ്ടെത്തിയിരുന്നു. ഇതിന്റെ അടിസ്ഥാനത്തിലാണ് വിളിപ്പിച്ചത്. വ്യാഴാഴ്ച ഹൈക്കോടതിയില് റിപ്പോര്ട്ട് സമര്പ്പിക്കണം.
