തിരുവനന്തപുരം: ആരോഗ്യ വകുപ്പ് ഡയറക്ടറേറ്റില് ഇ ഓഫീസും പഞ്ചിംഗും അടുത്തയാഴ്ച മുതല് ആരംഭിക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്.
പഞ്ചിംഗിനായി ഭൂരിപക്ഷം ജീവനക്കാരുടേയും രജിസ്ട്രേഷന് പൂര്ത്തിയായിട്ടുണ്ട്. ഘട്ടം ഘട്ടമായി ആരോഗ്യ വകുപ്പിനെ പൂര്ണമായും ഇ ഓഫീസ് സംവിധാനത്തില് കൊണ്ടുവരും. ജില്ലാ മെഡിക്കല് ഓഫീസുകളില് ഇ ഓഫീസ് സജ്ജമാക്കി വരുന്നു. ഇവിടങ്ങളില് ഇ ഓഫീസ് തുടങ്ങുന്നതിനുള്ള അനുമതി നല്കുകയും പരിശീലനം പൂര്ത്തിയായി വരുന്നതായും മന്ത്രി പറഞ്ഞു. മന്ത്രി വീണാ ജോര്ജ് ആരോഗ്യ വകുപ്പ് ഡയറക്ടറേറ്റിലെത്തി പ്രവര്ത്തനങ്ങള് വിലയിരുത്തി.
ഇതോടൊപ്പം ഫയല് തീര്പ്പാക്കല് യജ്ഞത്തിന്റെ പുരോഗതിയും വിലയിരുത്തി. ജനങ്ങളുടെ ആരോഗ്യവുമായി ബന്ധപ്പെട്ടുള്ളതും ആരോഗ്യ വകുപ്പ് ജീവനക്കാരുടെ ഫയലുകളുമാണ്ഇവിടെതീര്പ്പാക്കുന്നത്. അനാവശ്യമായിഫയലുകള്വച്ച്താമസിപ്പിക്കരുതെന്നും മന്ത്രി നിര്ദേശം നല്കി.
