പത്തനംതിട്ട : സംസ്ഥാന സര്ക്കാരിന്റെ രണ്ടാം വാര്ഷികത്തോടനുബന്ധിച്ചുള്ള ജില്ലാതല പട്ടയമേള നാളെ (16) ഉച്ചകഴിഞ്ഞ് മൂന്നിന് റാന്നിയിലെ വളയനാട് ഓഡിറ്റോറിയത്തില് റവന്യു ഭവന നിര്മാണ വകുപ്പ് മന്ത്രി കെ. രാജന് ഉദ്ഘാടനം ചെയ്യും. ആരോഗ്യ കുടുംബക്ഷേമ വനിതാ ശിശു വികസന വകുപ്പ് മന്ത്രി വീണാ ജോര്ജ് അധ്യക്ഷത വഹിക്കും. ഡെപ്യൂട്ടി സ്പീക്കര് ചിറ്റയം ഗോപകുമാര് മുഖ്യ പ്രഭാഷണം നടത്തും.
ആന്റോ ആന്റണി എംപി, എംഎല്എമാരായ അഡ്വ. മാത്യു ടി തോമസ്, അഡ്വ. കെ.യു. ജനീഷ്കുമാര്, അഡ്വ. പ്രമോദ് നാരായണ്, ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂര് ശങ്കരന്, ജില്ലാ കളക്ടര് ഡോ. ദിവ്യ എസ്. അയ്യര്, സബ് കളക്ടര് സഫ്ന നസറുദ്ദീന്, തദ്ദേശ സ്വയംഭരണ സ്ഥാപന അധ്യക്ഷന്മാര്, ജനപ്രതിനിധികള് വിവിധ രാഷ്ട്രീയ പാര്ട്ടി പ്രതിനിധികള്, വകുപ്പ് ഉദ്യോഗസ്ഥര് തുടങ്ങിയവര് പങ്കെടുക്കും.
ജില്ലയിലെ അടൂര്, കോന്നി, മല്ലപ്പള്ളി, തിരുവല്ല, കോഴഞ്ചേരി, റാന്നി താലൂക്കുകളില് പെട്ട 166 കുടുംബങ്ങള്ക്കാണ് പട്ടയ വിതരണം നടത്തുന്നത്. മല്ലപ്പള്ളി 42, തിരുവല്ല 22, റാന്നി 72, കോന്നി 17, കോഴഞ്ചേരി എട്ട്, അടൂര് അഞ്ച് എന്നിങ്ങനെയാണ് താലൂക്ക്തലത്തില് വിതരണം ചെയ്യുന്ന പട്ടയങ്ങള്. തടസങ്ങളും പ്രശ്നങ്ങളും പരിഹരിച്ച് കൈവശക്കാര്ക്ക് വേഗം പട്ടയങ്ങള് വിതരണം ചെയ്യുന്നതിനുള്ള നടപടിയാണ് സംസ്ഥാന സര്ക്കാര് സ്വീകരിച്ചിട്ടുള്ളത്.
കേന്ദ്ര വനം പരിസ്ഥിതി മന്ത്രാലയത്തിന്റെ അനുമതി ആവശ്യമുള്ള പട്ടയങ്ങള് ഇതു ലഭ്യമായ ശേഷമായിരിക്കും വിതരണം ചെയ്യുക. ഇതിന് അനുമതി നേടിയെടുക്കുന്നതിന് കേന്ദ്ര വനം പരിസ്ഥിതി മന്ത്രാലയവുമായി ബന്ധപ്പെട്ട് നടപടി സ്വീകരിച്ചു വരുകയാണ്. പട്ടയവുമായി ബന്ധപ്പെട്ട പ്രശ്നങ്ങള് പരിഹരിക്കുന്നതിന് സംസ്ഥാന സര്ക്കാര് പട്ടയ മിഷന് രൂപം നല്കിയിട്ടുണ്ട്.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം.
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
