പത്തനംതിട്ട : ആഭ്യന്തര വകുപ്പ് നടപ്പാക്കി വരുന്ന ഓപ്പറേഷന് തൂഫാന് നാര്ക്കോ ഹണ്ട് പദ്ധതിയുടെ ഭാഗമായി പത്തനംതിട്ട ജില്ലയിലെ 39 സ്കൂളുകളില് നിന്നുള്ള എസ്.പി.സി കേഡറ്റുകള്ക്കായി പരിശീലന പരിപാടി നടന്നു. ജില്ലാ പോലീസ് മേധാവിയുടെ നിര്ദ്ദേശത്തെ തുടര്ന്ന് ഇന്ത്യൻ മെഡിക്കൽ അസോസിയേഷന്റെ തൂഫാൻ കെയർ പദ്ധതിയുമായി ചേർന്ന് നടത്തിയ പരിശീലന പരിപാടി ജില്ലാ നാർകോട്ടിക് സെൽ & ജെന്റർ ജസ്റ്റിസ് ഡി.വൈ.എസ്.പി റജി എബ്രഹാം പി. ഉദ്ഘാടനം ചെയ്തു. ജില്ലാ ഹെൽത്ത് പ്രോഗ്രാം നോഡൽ ഓഫീസര് ഡോ.സാഗർ റ്റി. അധ്യക്ഷത വഹിച്ചു. ഐ.എം.എ തൂഫാൻ കെയർ കമ്മിറ്റി നോഡൽ ഓഫിസർ ഡോ.ജോയിസ് ജിയോ, ഡോ.സാജൻ റ്റി.അലക്സ് എന്നിവർ ലഹരിക്കെതിരായ ബോധവൽക്കര ക്ലാസ് നയിച്ചു.
തുടര്ന്ന് പരിശീലനം ലഭിച്ച കേഡറ്റുകള് തൂഫാൻ വാരിയർ പ്രതിജ്ഞയെടുത്തു.
മാർത്തോമ ഹയർ സെക്കണ്ടറി സ്കൂൾ ഹെഡ്മിസ്ട്രസ് ഷീജാ ബേബി, പ്രിൻസിപ്പാൾ ഹേമാ മേരി മാത്യു, ഡോ.അരുൺ, സുരേഷ് കുമാർ ജി., എസ്.പി.സി ഓഫീസര്മാരായ മിന്റോ വി.റ്റി., മേരി മത്തായി, മനീഷ് ജെ.ഉണ്ണിത്താൻ, ആരതി എസ്.നായർ, പോലീസ് ഉദ്യോഗസ്ഥരായ ബിനു ലാൽ, അരുൺ പ്രസാദ് എന്നിവർ സംസാരിച്ചു. ജില്ലയിലെ എസ്.പി.സി വിദ്യാര്ഥികള്ക്ക് പരിശീലനം ലഭിച്ച കേഡറ്റുകള് ലഹരിക്കെതിരായി ക്ലാസ് നയിക്കും. ജില്ലയിലെ വിവിധ സ്കൂളുകളില് നിന്നെത്തിയ 180 എസ്.പി.സി കേഡറ്റുകള്, അധ്യാപകര്, രക്ഷകര്ത്താക്കള്, പോലീസ് ഉദ്യോഗസ്ഥര് തുടങ്ങിയവര് പത്തനംതിട്ട മാർത്തോമാ ഹയർ സെക്കണ്ടറി സ്കൂളിൽ നടന്ന പരിശീലന പരിപാടിയില് പങ്കെടുത്തു.
