കൊച്ചി : ഇന്ഫോപാര്ക്കിന് സമീപം മൃതദേഹം കണ്ടെത്തിയ സംഭവത്തില് 4 പേരെ പോലീസ് അറസ്റ്റ് ചെയ്തു. കൊല്ലം സ്വദേശി ദിവാകരന് നായരുടെ കൊലപാതത്തില് ബന്ധുവും ഒരു സ്ത്രീയും ഉള്പ്പെടെ അഞ്ച് പ്രതികളാണ് നിലവിലുള്ളത്.
പൊന്കുന്നം സ്വദേശിയും കൊല്ലപ്പെട്ട ദിവാകരന് നായരുടെ ബന്ധുവുമായ അനില്കുമാര്, രാജേഷ്, അകലക്കുന്നു സ്വദേശി സജീവ്, കൊല്ലം സ്വദേശിനി ഷാനിബ എന്നിവരെയാണ് പോലീസ് അറസ്റ്റ് ചെയ്തത്. എറണാകുളത്തെത്തിയ ദിവാകരന് നായരെ പിന്തുടര്ന്ന വാഹനം കേന്ദ്രീകരിച്ചുള്ള അന്വേഷണമാണ് പ്രതികളെ കണ്ടെത്തുന്നതിന് സഹായമായത്. വാഹനം ഓടിച്ചിരുന്ന ഡ്രൈവര് അനൂപിനായി പോലീസ് അന്വേഷണം ഊര്ജിതമാക്കിയിട്ടുണ്ട്.
