പത്തനംതിട്ട : സാമൂഹിക പ്രവർത്തക ഡോ.എം .എസ്. സുനിൽ ഭവനരഹിതരായി സുരക്ഷിതമല്ലാതെ കഴിയുന്ന നിരാലമ്പകർക്ക് പണിത് നൽകുന്ന 271 – മത് സ്നേഹ ഭവനം ഇടുക്കി കാമാക്ഷി കുഴിപ്പറമ്പിൽ വിധവയായ പ്രീത സുരേഷിനും രണ്ട് കുട്ടികൾക്കുമായി വേൾഡ് മലയാളി കൗൺസിൽ ഫിലാഡൽഫിയ പ്രോവിൻസിന്റെ സഹായത്താൽ നിർമ്മിച്ചു നൽകി. വീടിന്റെ താക്കോൽദാനവും ഉദ്ഘാടനവും ജലവിഭവ വകുപ്പ് മന്ത്രി ജോഷി അഗസ്റ്റിൻ നിർവഹിച്ചു.
രണ്ട് വർഷങ്ങൾക്കു മുമ്പ് പ്രീതയുടെ ഭർത്താവ് മരണപ്പെടുകയും സ്വന്തമായ ഒരു ഭവനം പണിയുവാൻ ആകാതെ സുരക്ഷിതമല്ലാത്ത സാഹചര്യത്തിൽ ആയിരുന്നു പ്രീതയും കുട്ടികളും താമസിച്ചിരുന്നത്. ഇവരുടെ അവസ്ഥ നേരിൽ കണ്ടു മനസ്സിലാക്കിയ ടീച്ചർ ഇവർക്കായി രണ്ടു മുറികളും അടുക്കളയും ഹാളും ബാത്റൂമും സിറ്റൗട്ടും അടങ്ങിയ വീട് നിർമ്മിച്ചു നൽകുകയായിരുന്നു.
ചടങ്ങിൽ സിപിഎം ജില്ലാ സെക്രട്ടറി സി. വി .വർഗീസ്, പഞ്ചായത്ത് പ്രസിഡൻറ് അനുമോൾ ജോസഫ്, വാർഡ് മെമ്പർ ചിഞ്ചു ബിനോയ്, പ്രോജക്ട് കോഡിനേറ്റർ കെ. പി .ജയലാൽ, വേൾഡ് മലയാളി കൗൺസിൽ ഭാരവാഹികളായ ഡോൺ തോമസ്, ജോസഫ് തോമസ്, ഷാജി അഗസ്റ്റിൻ, പ്രൊഫ. സുബിൻ പി .എസ്, നജ്മ ബോബൻ എന്നിവർ പ്രസംഗിച്ചു.
ന്യുസ് ചാനലില് ബിസിനസ് ഡെവലപ്മെന്റ് മാനേജരുടെ ഒഴിവുകള്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായില് ബിസിനസ് ഡെവലപ്മെന്റ് മാനേജരുടെ ഒഴിവുകളുണ്ട് . യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില് മുന്പരിചയം അഭികാമ്യം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. 18000 രൂപാ പ്രതിമാസ ശമ്പളവും 5000 രൂപാ യാത്രാ ചെലവും ലഭിക്കും. കൂടാതെ നിശ്ചിത നിരക്കില് കമ്മീഷനും ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
