തൃശ്ശൂര് : ആറാട്ടുപുഴയില് വിദ്യാര്ത്ഥി മുങ്ങി മരിച്ചു. കൂടെയുണ്ടായിരുന്ന വിദ്യാര്ത്ഥിയെ കാണാതായി. മന്ദാരംകടവില് കുളിക്കാനിറങ്ങിയ കുട്ടികളില് ഒരാളാണ് മരിച്ചത്. ആറാട്ടുപുഴ സ്വദേശി ഗൗതമാ(14)ണ് മരിച്ചത്. കുട്ടിയുടെ മൃതദേഹം കണ്ടെടുത്തു. ഗൗതമിനൊപ്പം കുളിക്കാന് ഇറങ്ങിയ സുഹൃത്ത് ഷിജിനെ (15) കണ്ടെത്താന് തെരച്ചിൽ തുടരുകയാണ്. ഇന്ന് ഉച്ചയ്ക്ക് ഒന്നരയോടെയായിരുന്നു സംഭവം.
ഫുട്ബോള് കളിച്ച ശേഷം മന്ദാരംകടവില് കുളിക്കാന് ഇറങ്ങിയതായിരുന്നു കുട്ടികള്. സ്ഥിരമായി ആളുകള് കുളിക്കുന്ന കടവാണിത്. പുഴയില് ചെളി കൂടിയതിനാല് കാലുകള് താഴ്ന്നതാകാം അപകടകാരണമെന്ന് നാട്ടുകാര് പറഞ്ഞു. ഒന്പത്, പത്ത് ക്ലാസുകളിലെ വിദ്യാര്ഥികളായിരുന്നു ഇരുവരും. ദുരന്തനിവാരണ സേനയും ഫയര്ഫോഴ്സും പോലീസും ചേര്ന്നായിരുന്നു തെരച്ചില്.