തിരുവനന്തപുരം: സ്കൂട്ടര് പാലത്തില് നിന്ന് കനാലിലേക്ക് മറിഞ്ഞ് അമ്മയ്ക്കൊപ്പം സഞ്ചരിച്ചിരുന്ന ഇരട്ടകുട്ടികളില് ഒരാള് മരിച്ചു.അഞ്ചു വയസുകാരന് പവിന് സുനിലാണ് മരിച്ചത്. പരിക്കേറ്റ രണ്ടാമത്തെ കുട്ടിയെയും അമ്മ മഞ്ജുവിനെയും തിരുവനന്തപുരം മെഡിക്കല്കോളേജ് ആശുപത്രിയില് പ്രവേശിപ്പിച്ചു.
നെയ്യാറ്റിന്കര ചാരോട്ടുകോണം ചെങ്കവിള റോഡില് മാറാടി ജംഗ്ഷന് സമീപം ഇന്ന് രാവിലെയാണ് അപകടം നടന്നത്. കുട്ടികളുമായി മഞ്ജു സ്കൂട്ടറില് സ്കൂളിലേയ്ക്കു പോകുന്ന വഴിയില് കൈവരികളില്ലാത്ത ചാനല് പാലം മറികടക്കുന്നതിനിടയ്ക്ക് സ്കൂട്ടര് കനാലിലേക്ക് വീഴുകയായിരുന്നു. പവിന് സുനിലിന് മുകളിലേക്ക് സ്കൂട്ടര് പതിച്ചതാണ് കുഞ്ഞിന്റെ മരണത്തിന് ഇടയാക്കിയത്. അപകടം കണ്ടെത്തിയ നാട്ടുകാര് ഉടന് രക്ഷാപ്രവര്ത്തനം നടത്തിയെങ്കിലും പവിന് സുനിലിന്റെ ജീവന് രക്ഷിക്കാനായില്ല. കുഞ്ഞിന്റെ മൃതദേഹം പാറശാല താലൂക്ക് ആശുപത്രി മോര്ച്ചറിയില് സൂക്ഷിച്ചിരിക്കുയാണ്.
