മാങ്കുളം : മാങ്കുളം ആനക്കുളത്ത് കുളിക്കാനിറങ്ങിയ കോളേജ് വിദ്യാര്ഥി മുങ്ങി മരിച്ചു. തലയോലപറമ്പ് കീഴൂര് സ്വദേശി ജിഷ്ണു ഷാജിയാണ് മരിച്ചത്. രണ്ടാം വര്ഷ പി.ജി വിദ്യാര്ത്ഥിയാണ് ജിഷ്ണു. മൃതദേഹം അടിമാലി താലൂക്ക് ആശുപത്രിയിലേക്ക് മാറ്റി. കുട്ടുകാര്ക്കൊപ്പം വലിയാര്കട്ടി പുഴയില് വിനോദസഞ്ചാരത്തിനായി ഇറങ്ങിയതായിരുന്നു യുവാവ്. ഇന്നലെ മാങ്കുളത്ത് ക്യാംപ് ചെയ്ത ശേഷം ഇന്ന് പുഴയില് കുളിക്കാനിറങ്ങിയപ്പോഴാണ് അപകടം. 15 വിദ്യാര്ത്ഥികളടക്കം 17 പേരായിരുന്നു വിനോദസഞ്ചാരത്തിനായി മാങ്കുളത്ത് എത്തിയത്.
