പാലക്കാട് : ധോണി വെള്ളച്ചാട്ടത്തില് കാണാതായ വിദ്യാര്ത്ഥിയുടെ മൃതദേഹം കണ്ടെത്തി. ചൂലന്നൂര് മണ്ണാരപ്പറ്റ വീട്ടില് സുരേഷിന്റെ മൂത്ത മകന് അജിലിന്റെ മൃതദേഹമാണ് കിട്ടിയത്. ഇന്നലെ ഉച്ചയോടെയാണ് പത്ത് അംഗ സംഘത്തിനൊപ്പം ധോണിയിലെത്തിയ അജിന് എന്ന വിദ്യാര്ഥിയെ കാണാതായത്. ട്രക്കിങ്ങിനിടെ കാല് വഴുതി താഴേക്ക് വീഴുകയായിരുന്നു. കോട്ടായി സര്ക്കാര് ഹയര് സെക്കന്ഡറി സ്കൂളില് പ്ലസ് ടു പരീക്ഷ എഴുതി ഇന്ന് പ്രഖ്യാപിക്കാനുള്ള റിസള്ട്ടിനായി കാത്തിരിക്കുകയായിരുന്നു അജില്. ഞായറാഴ്ച ആയതിനാല് ധാരാളം പേരുണ്ടായിരുന്നെങ്കിലും അജിനും മറ്റൊരു യുവാവും മുകള് ഭാഗത്തുള്ള വെള്ളച്ചാട്ടത്തിനടുത്തേക്ക് കയറിപ്പോവുകയായിരുന്നു. അവിടെനിന്നാണ് അജിന് വെള്ളച്ചാട്ടത്തിലേക്ക് വീണത്. മുങ്ങല് വിദഗ്ദരുടെ സഹായത്തോടെ നടത്തിഏയ തിരച്ചിലിനൊടുവിലാണ് മൃതദേഹം കിട്ടിയത്.
