കോഴിക്കോട് : നഗരത്തില് വീണ്ടും ലഹരിമരുന്നു വേട്ട. എംഡിഎംഎ, കഞ്ചാവടക്കമുള്ള ലഹരി മരുന്നുകളുമായി യുവതിയടക്കം രണ്ടുപേര് പിടിയില്. മലാപ്പറമ്പ് സ്വദേശി പി അക്ഷയ് (24), കണ്ണൂര് ചെറുകുന്ന് സ്വദേശി ജെ ജാസ്മിന്(26) എന്നിവരെയാണ് മലാപ്പറമ്പ് പോലീസ് അറസ്റ്റ് ചെയ്തത്. മെഡി. കോളേജ് അസിസ്റ്റന്റ് കമ്മീഷണര് കെ സുദര്ശന്റെ നേതൃത്വത്തിലുള്ള സംഘം മെഡിക്കല് കോളേജിന് സമീപത്തെ ലോഡ്ജില് നടത്തിയ പരിശോധനയിലാണ് ഇവരും അറസ്റ്റിലായത്.
ഇവരില് നിന്ന് അര ഗ്രാമിലധികം എംഡിഎംഎയും നൂറ് ഗ്രാം കഞ്ചാവും സിറിഞ്ചുകളും കണ്ടെടുത്തിട്ടുണ്ട്. കൊച്ചിയില് ടെക്സ്റ്റല് ജീവനക്കാരിയായ യുവതി ലഹരിമരുന്ന് സംഘത്തിന്റെ കാരിയറായി പ്രവര്ത്തിക്കുന്നെന്ന സംശയം പോലീസിനുണ്ട്. ഇന്സ്റ്റാഗ്രാമിലൂടെ പരിചയപ്പെട്ട ഇരുവരും മയക്കുമരുന്ന് ഉപയോഗിച്ചിരുന്നു. കൊച്ചിയില് നിന്നാണ് മയക്കുമരുന്ന് എത്തിച്ചത്.
