തൊടുപുഴ : ഡ്യൂക്ക് ബൈക്കില് കഞ്ചാവുമായി എത്തിയ മൂന്ന് യുവാക്കളെ എക്സൈസ് പിടികൂടി. ഇടുക്കി ജില്ലയിലെ തൊടുപുഴയിലാണ് സംഭവം. ഇടവെട്ടി മരുതുങ്കല് വീട്ടില് മാഹിന് നൗഷാദ് (22), കുമ്പംകല്ല് മണല്പ്പറമ്പില് മുഹമ്മദ് ഹസീബ് (21), തൊടുപുഴ കുമ്പംകല്ല് കണ്ടത്തിന് കരയില് വീട്ടില് മാഹിന് സുധീര് (19) എന്നിവരാണ് അറസ്റ്റിലായത്.
മയക്കുമരുന്നുകള്ക്കെതിരെയുള്ള സ്പെഷ്യല് ഡ്രൈവിന്റെ ഭാഗമായി തൊടുപുഴ എക്സൈസ് ഇന്സ്പെക്ടര് ദിലീപിന്റെ നേതൃത്വത്തില് കാരിക്കോട് ഭാഗത്ത് നടത്തിയ രാത്രികാല വാഹന പരിശോധനയിലാന് ഡ്യൂക്ക് ബൈക്കില് കടത്തിയ 45 ഗ്രാം കഞ്ചാവുമായി മൂന്ന് യുവാക്കളെ അറസ്റ്റ് ചെയ്തത്. ഇടവെട്ടി, ജാരം ഭാഗം കേന്ദ്രീകരിച്ചായിരുന്നു ഇവരുടെ കഞ്ചാവ് ഇടപാടുകള് എന്ന് എക്സൈസ് അധികൃതര് പറഞ്ഞു. സംഭവത്തെക്കുറിച്ച് വിശദ അന്വേഷണവും ആരംഭിച്ചിട്ടുണ്ട്.