കോഴിക്കോട് : നരിക്കുനിയില് നിരോധിത മയക്കുമരുന്നുമായി യുവാവ് അറസ്റ്റില്. മയക്കുമരുന്നായ എംഡിഎംഎ, എല്എസ്ഡി സ്റ്റാമ്പ്, ഹഷീഷ് ഓയില് എന്നിവയുമായി ചേളന്നൂര് പുതിയെടത്തുതാഴം കിരണ് (24) ആണ് അറസ്റ്റിലായത്. കോഴിക്കോട് റൂറല് എസ്പിയുടെ നിര്ദ്ദേശപ്രകാരം താമരശ്ശേരി ഡിവൈഎസ്പി അഷ്റഫ് തെങ്ങിലക്കണ്ടി, നാര്കോടിക് സെല് ഡിവൈഎസ്പി അശ്വകുമാര് എന്നിവരുടെ നേതൃത്വത്തിലുള്ള സംഘമാണ് യുവാവിനെ പിടികൂടിയത്. ശനിയാഴ്ച പുലര്ച്ചെ നാലുമണിയോടെ നരിക്കുനി ബസ് സ്റ്റാന്ഡിനടുത്ത് വെച്ചാണ് 11 എല്എസ്ഡി സ്റ്റാമ്പുകളും ഒന്നര ഗ്രാം എംഡിഎംഎ, ഒന്നരമില്ലി ഗ്രാം ഹാഷിഷ് ഓയില് എന്നിവയുമായി കിരണ് പിടിയിലായത്. ഒരു കാറും പോലീസ് പിടിച്ചെടുത്തു.
