മലപ്പുറം: ഹോസ്റ്റലില് ഹഷീഷ്, കഞ്ചാവ് എന്നിവ ഉപയോഗിച്ച് ലഹരിപ്പാര്ട്ടി നടത്തിയ 14 വിദ്യാര്ഥികള് അറസ്റ്റില്. കുറ്റിപ്പുറത്തെ സ്വകാര്യ ഹോസ്റ്റലില്നിന്ന് പുലര്ച്ചെ ഒന്നരയോടെയാണ് വിദ്യാര്ഥി സംഘത്തെ പോലീസ് പിടികൂടിയത്. പ്രദേശത്ത് ഏതാനും ദിവസം മുന്പ് നടന്ന സംഘര്ഷത്തിലെ പ്രതികള് ഹോസ്റ്റലില് എത്തിയിട്ടുണ്ടെന്ന വിവരത്തിന്റെ അടിസ്ഥാനത്തിലാണ് കുറ്റിപ്പുറം പോലീസ് എത്തിയത്. ഈ സമയം ഹോസ്റ്റലില് ലഹരിപ്പാര്ട്ടി നടക്കുകയായിരുന്നു. വിവിധ മുറികളിലായി ഇരുപതോളം പേരാണ് ഉണ്ടായിരുന്നത്. 6 പേര് കടന്നുകളഞ്ഞു. അറസ്റ്റിലായവരെ പിന്നീട് ജാമ്യത്തില്വിട്ടു.
