പെരുന്നാൾ ആഘോഷത്തിന് വിപുലമായ തയ്യാറെടുപ്പുകളാണ് ദുബായ് ആർടിഎ ഒരുക്കിയിരിക്കുന്നത്. റംസാൻ 29-ന് വ്യാഴാഴ്ച മുതൽ പൊതു സ്ഥലങ്ങളിലെ പാർക്കിങ് സൗജന്യമായിരിക്കുമെന്ന് ആർടിഎ അറിയിച്ചു. മൾടി ലെവൽ പാർക്കിംഗിന് പണം നൽകേണ്ടിവരും. ഈദുൽഫിത്തർ വെള്ളിയാഴ്ചയമാണെങ്കിൽ തിങ്കാളാഴ്ച രാവിലെ വരെയും, ശനിയാഴ്ചയാണ് ഈദുൽ ഫിത്തറെങ്കിൽ ചൊവ്വാഴ്ച രാവിലെ വരെയും പാർക്കിംഗ് സൗജന്യമായിരിക്കും.
വ്യാഴാഴ്ച മുതൽ ശനിയാഴ്ച വരെ ദുബായ് മെട്രോ – ട്രാം എന്നിവ പുലർച്ചെ അഞ്ച് മുതൽ അടുത്ത ദിവസം പുലർച്ചെ ഒരു മണി വരെ സർവ്വീസ് നടത്തും. രാവിലെ ആറ് മണി മുതൽ പുലർച്ചെ ഒരു മണിവരെ ബസ് സർവ്വീസ് ഉണ്ടാകുമെന്ന് ആർടിഎ അറിയിച്ചു. മറൈൻ ട്രാൻസ്പോർട്ടിലും അബ്രകളുടെയും ദുബായ് ഫെറിയുടെയും സമയത്തിൽ മാറ്റമുണ്ട്. രാവിലെ പത്ത് മണി മുതൽ രാത്രി 11.35 വരെയാകും അബ്ര സർവ്വീസ്. ദുബായ് ഫെറി, വാട്ടർ ടാക്സി എന്നിവയും കൂടുതൽ സമയം സർവ്വീസ് നടത്തും.
