ദില്ലി: ഡല്ഹിയില് വീണ്ടും നേരിയ ഭൂചലനം. നാഷണല് സെന്റര് ഫോര് സീസ്മോളജിയുടെ കണക്കനുസരിച്ച്, റിക്ടര് സ്കെയിലില് 2.7 തീവ്രത രേഖപ്പെടുത്തി. വൈകിട്ട് 4.42 ഓടെയാണ് ഡല്ഹിയില് വീണ്ടും ഭൂചലനം അനുഭവപ്പെട്ടത്. തലസ്ഥാന പരിധിയിലെ പശ്ചിമ ദില്ലി മേഖലയിലാണ് ഭൂചലനത്തിന്റെ പ്രഭവ കേന്ദ്രം. ഇവിടെ ഭൗമോപരിതലത്തില് നിന്ന് അഞ്ച് കിലോമീറ്റര് താഴെയാണ് ഭൂചലനത്തിന്റെ ഉറവിടം എന്ന് വ്യക്തമായി. നാശനഷ്ടങ്ങളോ ആളപായമോ സംഭവിച്ചതായി വിവരങ്ങളില്ല.
അതേസമയം കഴിഞ്ഞ ദിവസം ഡഹിയിലും പരിസരപ്രദേശങ്ങളിലും വന് ഭൂചലനമുണ്ടായിരുന്നു. റിക്ടര് സ്കെയിലില് 6.6 തീവ്രത രേഖപ്പെടുത്തിയ ഭൂചലനമാണ് അനുഭവപ്പെട്ടത്. തുടര്ച്ചയായ രണ്ട് തവണയാണ് ഭൂചലനമുണ്ടായത്. ദില്ലിക്ക് പുറമെ ഉത്തര്പ്രദേശ്, ജമ്മു കശ്മീര്, ചണ്ഡിഗഢിലും പ്രകമ്പനം അനുഭവപ്പെട്ടു. അഫ്ഘാനിസ്താനാണ് പ്രഭവകേന്ദ്രമെന്നാണ് റിപ്പോര്ട്ടുകള്. തുര്ക്മെനിസ്താന്, പാകിസ്ഥാന്, ചൈന തുടങ്ങിയ രാജ്യങ്ങളിലും ഭൂചലമുണ്ടായതായും റിപ്പോര്ട്ടുകളുണ്ട്