ഡല്ഹി : വിദ്യാഭ്യാസം സാംസ്കാരികശക്തിയുടെ പ്രധാന സ്രോതസ്സാണെന്നും ഭരണഘടനയുടെ 30-ാം അനുച്ഛേദം പ്രകാരം ഭരണഘടന നിലവില്വരുന്നതിന് മുമ്പ് നിലവിലുള്ള സ്ഥാപനങ്ങള്ക്ക് ന്യൂനപക്ഷ അവകാശം ഉന്നയിക്കാന് അര്ഹതയുണ്ടെന്നും സുപ്രീംകോടതി. അലിഗഢ് മുസ്ലിം സര്വകലാശാലയ്ക്ക് ന്യൂനപക്ഷ വിദ്യാഭ്യാസ സ്ഥാപനപദവിക്ക് അര്ഹതയുണ്ടോ എന്ന വിഷയത്തില് അഞ്ചാംദിവസം വാദം കേള്ക്കവേ ചീഫ് ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ ഏഴംഗ ഭരണഘടനാബെഞ്ചാണ് വാക്കാല് നിരീക്ഷണം നടത്തിയത്.
അനുച്ഛേദം 30 പ്രകാരം ഏതൊരു സ്ഥാപനത്തിനും അത് ഭരണഘടന അംഗീകരിക്കുന്നതിനു മുമ്പാണോ ശേഷമാണോ സ്ഥാപിച്ചതെന്ന് പരിഗണിക്കാതെത്തന്നെ അവകാശങ്ങള് ഉന്നയിക്കാന് അര്ഹതയുണ്ടെന്നും ബെഞ്ച് വ്യക്തമാക്കുകയും ചെയ്തു.
