ചണ്ഡിഗഡ് : പനി ബാധിച്ച് എട്ട് കുട്ടികള് മരിച്ചു. ഹരിയാനയിലെ പല്വാല് ജില്ലയിലെ ഗ്രാമത്തിലാണ് സംഭവം. പത്ത് ദിവസത്തിനുള്ളില് എട്ട് കുട്ടികള് മരിച്ചതായാണ് റിപ്പോര്ട്ട്. സമാന രോഗലക്ഷണങ്ങളുമായി 44 പേരെ വിവിധ ആശുപത്രികളില് പ്രവേശിപ്പിച്ചിട്ടുണ്ട്.
മരണകാരണം കണ്ടെത്താനുള്ള തീവ്ര പരാശ്രമത്തിലാണ് ആരോഗ്യവകുപ്പ് അധികൃതര്. പ്ലേറ്റ് ലെറ്റ് കുറവാണ് പ്രധാനമായും ആശുപത്രിയില് പ്രവേശിപ്പിക്കപ്പെട്ടവരില് കാണുന്ന ലക്ഷണങ്ങളില് ഒന്ന്. ‘പനി ബാധിച്ചു കുഞ്ഞുങ്ങള് മരിക്കുകയാണ്.
ഉദ്യോഗസ്ഥര് വീടുകള് സന്ദര്ശിക്കുന്നുണ്ട്. മരുന്നു വിതരണം നടത്തുന്നു. വീടുകളില് ശുചിത്വക്കുറവുള്ളതായി കണ്ടെത്തി. പനിയുടെ കാരണം കണ്ടെത്താന് കൂടുതല് പരിശോധനകള് നടത്തുകയാണ്’ പല്വാല് ജില്ല സീനിയര് മെഡിക്കല് ഓഫീസര് വിജയ് കുമാര് പറയുന്നു.
