പാലക്കാട് : സിനിമാ ചിത്രീകരണത്തിനിടെ തേനീച്ചകളുടെ കുത്തേറ്റ് എട്ട് പേര്ക്ക് പരിക്ക്. കാക്കയൂര് തച്ചകോട് നടക്കുന്ന ‘തേര്’ എന്ന സിനിമയുടെ ചിത്രീകരണത്തിനിടെയായിരുന്നു തേനീച്ച ആക്രമണം. തേനീച്ചയുടെ ആക്രമണത്തില് മൂന്ന് സിനിമാപ്രവര്ത്തകര്ക്കും അഞ്ച് പ്രദേശവാസികള്ക്കുമാണ് പരുക്കേറ്റത്.
എസ് ജെ സിനു ആണ് ചിത്രം സംവിധാനം ചെയ്യുന്നത്. തച്ചങ്കോട് നാല്ക്കവലയിലെ ആല്മരത്തിലും സമീപത്തിലെ പാലമരത്തിലും തേനീച്ചകള് കൂടു കുട്ടിയിട്ടുണ്ടെന്ന് പ്രദേശവാസികള് മുന്നറിയിപ്പ് നല്കിയിരുന്നെങ്കിലും സിനിമ സംഘം ചിത്രീകരണം തുടരുകയായിരുന്നു. തേനീച്ച കൂട് ഇളകിയതോടെ ചിത്രീകരണത്തിനെത്തിയ സിനിമാ പ്രവര്ത്തകരും കാണാന് വന്ന സമീപവാസികളും ചിതറിയോടുകയായിരുന്നു.
