കൊല്ലം : കൊല്ലത്ത് വൃദ്ധദമ്പതികളുടെ വീടിന് തീപിടിച്ചു. അഞ്ചൽ സ്വദേശി ധർമ്മപാലന്റെ വീടിനാണ് തീപിടിച്ചത്. തീപടർന്നതോടെ അടുക്കളയുടെ മേൽക്കൂരയും വയറിംങ്ങും കത്തി നശിച്ചു. വീടിന്റെ ഭിത്തികളിലും പൊട്ടലുണ്ട്.
ജന്മാനാ തളർന്ന മകൻ സനിലിന്റെ ചികിത്സയ്ക്കുള്ള പണം കണ്ടെത്താൻ ബുദ്ധിമുട്ടുന്നതിനിടയിലാണ് ആകെയുണ്ടായിരുന്ന വീടുകൂടി തകർന്നതെന്ന് ധർമ്മപാലൻ പറഞ്ഞു. തകർന്ന വീട് പുനർനിർമ്മിച്ച് വാസയോഗ്യമാക്കാൻ എന്തു ചെയ്യണമെന്ന് അറിയാതെ വിഷമിക്കുകയാണ് ഇദ്ദേഹം. ധർമ്മപാലന്റെയും ഭാര്യയുടെയും കരച്ചിൽ കേട്ടെത്തിയ നാട്ടുകാർ ചേർന്നാണ് സനിലിനെ രക്ഷപെടുത്തിയത്. അഞ്ചൽ പോലീസും അഗ്നിരക്ഷാ സേനയും നാട്ടുകാരും ചേർന്നാണ് തീയണച്ചത്.
