കുമളി : സംസ്ഥാന അതിര്ത്തിയില് വെച്ച് കൈമാറാന് ബൈക്കില് കൊണ്ടുവന്ന ആനക്കൊമ്പ്കളുമായി ഏഴുപേര് വനപാലകര് പിടിയില്. കൊമ്പുകള് വാങ്ങാനെത്തിയ അഞ്ച് മലയാളികള് ഉള്പ്പെടെയുള്ള ഏഴുപേരെയാണ് തമിഴ്നാട് വനപാലകര് അറസ്റ്റ് ചെയ്തത്. കുമളി ടൗണിന് സമീപം തമിഴ്നാട് വനം വകുപ്പ് ചെക്ക് പോസ്റ്റില്വെച്ചാണ് വാഹന പരിശോധനക്കിടെ ആനക്കൊമ്പുകളുമായി ലോവര് ക്യാമ്പ് സ്വദേശികളായ മുരുകന് (62), വെള്ളയ്യന് (63) എന്നിവര് പിടിയിലായത്. ഇവരുടെ പക്കല് നിന്ന് നാല് കിലോയുള്ള രണ്ട് ആനക്കൊമ്പ് പിടിച്ചെടുത്തു.
തുടര്ന്ന് പ്രതികളുടെ മൊബൈല് ഫോണ് കേന്ദ്രീകരിച്ച് നടത്തിയ അന്വേഷണത്തിലാണ് കൊമ്പ്വാങ്ങാനെത്തിയവരെ സംബന്ധിച്ച വിവരം ലഭിച്ചത്. ഉപ്പുതറ മത്തായിപ്പാറ സ്വദേശി മാത്യു ജോണ് (53), തിരുവനന്തപുരം സ്വദേശി ജോണ്സണ് (51), വര്ക്കല സ്വദേശി നിഥിന് (30), റാന്നി സ്വദേശി കെ.കെ. അശോകന് (50), തിരൂര് സ്വദേശി അബ്ദുല് അസീസ് (34) എന്നിവരെ വനപാലക സംഘം പിടികൂടുകയായിരുന്നു.
