ന്യൂയോര്ക്ക് : ട്വിറ്റര് 44 ബില്യണ് ഡോളറിന് ഏറ്റെടുക്കാനുള്ള ഇടപാട് തത്കാലം നിര്ത്തിവെച്ചിരിക്കുകയാണെന്നു ടെസ്ല മേധാവി എലോണ് മസ്ക്. വ്യാജ, സ്പാം അക്കൗണ്ടുകള് കുറഞ്ഞത് അഞ്ചു ശതമാനം ട്വിറ്റര് ഉപയോക്താക്കളെ പ്രതിനിധീകരിക്കുന്നുണ്ടെന്നാണ് കരുതുന്നത്. ഇതു സംബന്ധിച്ച വിശദാംശങ്ങള് ലഭ്യമാകാത്ത സാഹചര്യത്തിലാണ് ഇടപാട് തത്കാലം നിര്ത്തിവെച്ചതെന്നും അദ്ദേഹം ട്വീറ്റ് ചെയ്തു. കഴിഞ്ഞ മാസമാണ് എലോണ് മസ്കിനു ട്വിറ്റര് കൈമാറാന് കമ്പനിയുടെ ഡയറക്ടര് ബോര്ഡ് തീരുമാനിച്ചത്.
