തിരുവനന്തപുരം: തെരഞ്ഞെടുപ്പ് ദിനം ഇഎംസിസി എംഡി ഷിജു എം. വര്ഗീസിന്റെ കാര് ആക്രമിച്ച കേസില് ഒരാള് പിടിയില്. തിരുവനന്തപുരം സ്വദേശിയായ ക്വട്ടേഷന് സംഘാംഗമാണ് പിടിയിലായത്. സംഘം രക്ഷപെട്ട കാറും പോലീസ് കസ്റ്റഡിയിലെടുത്തു.
നാല് പേര് ഉള്പ്പെട്ട സംഘമാണ് ആക്രമണത്തിന് പിന്നിലെന്ന് പോലീസ് അറിയിച്ചിരുന്നു. ഷിജു വര്ഗീസിനും സംഭവത്തില് പങ്കുണ്ടോയെന്നും പോലീസ് സംശയിക്കുന്നുണ്ട്. പെട്രോള് നിറച്ച കുപ്പിയെറിഞ്ഞ് അപായപ്പെടുത്താന് ശ്രമിച്ചെന്നാണ് ഷിജു വര്ഗീസ് പരാതി നല്കിയത്. കുരീപ്പള്ളിയിലെ റബര് തോട്ടത്തിന് സമീപമായിരുന്നു സംഭവം. ദ്രാവകം നിറച്ച കുപ്പിയില് തീ കത്തിച്ച് തന്റെ വാഹനത്തിന് നേരെ എറിയുകയായിരുന്നുവെന്ന് ഷിജു പറഞ്ഞു.