തിരുവനന്തപുരം: 2021 ജനുവരി മുതല് ഓണ്ലൈന് വാഹന പുകപരിശോധനാ സര്ട്ടിഫിക്കറ്റുകള്ക്ക് മാത്രമേ സാധുത ഉണ്ടായിരിക്കുകയുള്ളെന്ന് ട്രാന്സ്പോര്ട്ട് കമ്മിഷണര്. പഴയ സംവിധാനത്തില് സര്ട്ടിഫിക്കറ്റ് എടുത്തിട്ടുള്ളവര്ക്ക് കാലാവധി തീരുന്നത് വരെ സാധുതയുണ്ടാവും.
കേന്ദ്ര സര്ക്കാരിന്റെ വാഹന് സോഫ്റ്റ് വെയറുമായി ഇതുവരെ 700 പൊലൂഷന് ടെസ്റ്റിങ് കേന്ദ്രങ്ങളെ ബന്ധിപ്പിച്ചു. 70,000 സര്ട്ടിഫിക്കറ്റുകള് ഇതുവരെ ഓണ്ലൈന് വഴി നല്കി. ഓണ്ലൈന് പരിശോധനയില് 1500 വാഹനങ്ങളാണ് പരാജയപ്പെട്ടത്. ഇനി പുതുതായി സര്ട്ടിഫിക്കറ്റ് എടുക്കുന്നവര് ഓണ്ലൈനായി എടുക്കണം.
ഓണ്ലൈന് പരിശോധനാ ഫലം നേരിട്ട് വാഹന് വെബ്സൈറ്റിലേക്ക് ഉള്ക്കൊള്ളിക്കും. ഇതിന് ശേഷം പരിശോധനാ സമയങ്ങളില് ഡിജിറ്റല് പകര്പ്പ് മതിയാവും. ഇനി 30 ശതമാനം പൊലൂഷന് ടെസ്റ്റിങ് കേന്ദ്രങ്ങള് കൂടിയാണ് ഓണ്ലൈന് സംവിധാനത്തിലേക്ക് എത്തേണ്ടതായുള്ളത്. നടത്തിപ്പുകാര് ഉടനെ തന്നെ ഇതിനുള്ള സജ്ജീകരണങ്ങള് ഒരുക്കണം എന്ന് ട്രാന്സ്പോര്ട്ട് കമ്മിഷണര് അറിയിച്ചു.
