പത്തനംതിട്ട : ഏനാദിമംഗലം ഗ്രാമപഞ്ചായത്തിന്റെയും കുടുംബശ്രീ സി.ഡി.എസിന്റെയും സംയുക്താഭിമുഖ്യത്തില് സംസ്ഥാന സര്ക്കാരിന്റെ വിശപ്പുരഹിത കേരളം പദ്ധതിയുടെ ഭാഗമായിട്ടുള്ള ജനകീയ ഹോട്ടല് ഇളമണ്ണൂര് എല്.പി.എസ് ജംഗ്ഷനില് ജില്ലാ പഞ്ചായത്ത് പ്രസിഡന്റ് അഡ്വ.ഓമല്ലൂര് ശങ്കരന് ഉദ്ഘാടനം ചെയ്തു.
ഗ്രാമപഞ്ചായത്ത് പ്രസിഡന്റ് രാജഗോപാലന് നായര് അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് ഉദയ രശ്മി സ്വാഗതം ആശംസിച്ചു. പറക്കോട് ബ്ലോക്ക് പഞ്ചായത്ത് പ്രസിഡന്റ് തുളസീധരന് പിള്ള, ജില്ലാ പഞ്ചായത്തംഗങ്ങളായ ബീന പ്രഭ, കൃഷ്ണ കുമാര്, അജോമോന്, പറക്കോട് ബ്ലോക്ക് പഞ്ചായത്ത് വൈസ് പ്രസിഡന്റ് മണിയമ്മ, സ്റ്റാന്റിംഗ് കമ്മറ്റി ചെയര്മാന് അഡ്വ. ആര്.ബി രാജീവ് കുമാര്, ബ്ലോക്ക്, ഗ്രാമപഞ്ചായത്ത് അംഗങ്ങള്, കുടുംബശ്രീ ജില്ലാ മിഷന് കോര്ഡിനേറ്റര്, ഉദ്യോഗസ്ഥര്, രാഷ്ടീയ പാര്ട്ടി പ്രതിനിധികള് തുടങ്ങിയവര് പങ്കെടുത്തു.
