എറണാകുളം: ജില്ലയിലെ കണ്ടെയിന്മെന്റ് സോണുകളില് നിയന്ത്രണം കര്ശനമാക്കി. ആളുകള് വീട്ടില്തന്നെ കഴിയണമെന്ന് കളക്ടര് എസ്. സുഹാസ് പറഞ്ഞു. കണ്ടെയ്മെന്റ് സോണുകളില് വിവാഹത്തിന് 20പേര്ക്ക് പങ്കെടുക്കാം. മരണാനന്തര ചടങ്ങുകള്ക്ക് 10പേര്ക്ക് മാത്രമാകും അനുമതി.
എറണാകുളത്ത് ടിപിആര് നിരക്ക് 25 ശതമാനത്തിന് മുകളിലായ 74 പഞ്ചായത്തുകളിലാണ് ഇന്ന് വൈകിട്ട് 6 മുതല് ലോക്ഡൗണ് സമാന നിയന്ത്രണത്തിലാകുന്നത്. അറുപതിനായിരത്തിനടുത്ത് ആളുകളാണ് ജില്ലയില് നിലവില് കോവിഡ് പോസിറ്റീവായി കഴിയുന്നത്. സര്ക്കാര് തലത്തില് കോവിഡ് പരിശോധനയും വര്ധിപ്പിക്കും.