കോഴഞ്ചേരി : ഇരവിപേരൂർ ഗ്രാമ പഞ്ചായത്ത് വൈസ് പ്രസിസന്റ് സ്ഥാനം എൽ ഡി എഫിലെ സി പി ഐ അംഗം സാലി ജേക്കബിന് ലഭിച്ചു. ഇരവിപേരൂർ ഗ്രാമ പഞ്ചായത്ത് 6 -ാം വാർഡിൽ നിന്നും വിജയിച്ച അംഗമാണ്. എൽ ഡി എഫിൽ മുൻ ധാരണ അനുസരിച്ച് നടന്ന തെരഞ്ഞെടുപ്പിൽ 5 നെതിരെ 9 വോട്ടുകൾക്കാണ് വിജയിച്ചത്. ആകെയുള്ള 17 പഞ്ചായത്ത് അംഗങ്ങളിൽ 9 എൽഡിഎഫ് അംഗങ്ങളും 5 യു ഡി എഫ് അംഗങ്ങളും 3 ബി ജെ പി അംഗങ്ങളുമാണ് നിലവിലുള്ളത്.
3 യുബി ജെ പി അംഗങ്ങളും വോട്ടെടുപ്പിൽ നിന്നും വിട്ടു നിന്നു. യു ഡി എഫ് അംഗമായ പത്താം വാർഡിലെ ബിജി ബിന്നി എൽ ഡി എഫ് സ്ഥാനാർത്ഥിക്കെതിരെ മത്സരിച്ചിരുന്നു. എൽ ഡി ഫ് സ്ഥാനാർത്ഥിക്ക് 9 ഉം യു ഡി എഫ് സ്ഥാനാർത്ഥിക്ക് 5 ഉം വോട്ടുകൾ ലഭിച്ചു. കോ- ഓപ്പറേറ്റീവ് അസിസ്റ്റന്റ് ഡയറക്ടർ (ഓഡിറ്റ് വിഭാഗം) തിരുവല്ല, ഗീതാ സുരേഷ് ആയിരുന്നു റിട്ടേണിംഗ് ഓഫീസർ.
