തിരുവനന്തപുരം : സെൻട്രൽ റെയിൽവേ സ്റ്റേഷനിൽ ഇന്ന് രാവിലെ എസ്കലേറ്റർ നിയന്ത്രണം വിട്ടുണ്ടായ അപകടത്തിൽ യാത്രക്കാർക്ക് പരുക്കേറ്റു. വഞ്ചിനാട് എക്സ്പ്രസ് ട്രെയിനിൽ വന്നിറങ്ങിയ യാത്രക്കാരാണ് അപകടത്തിൽപ്പെട്ടത്. മുകളിലേക്ക് പോയിക്കൊണ്ടിരുന്ന എസ്കലേറ്റർ പെട്ടെന്ന് നിയന്ത്രണം വിട്ട് പിന്നിലേക്ക് റൊട്ടേറ്റ് ചെയ്തതോടെ അതിലുണ്ടായിരുന്ന യാത്രക്കാർ നിലത്തു വീഴുകയായിരുന്നു. അപകടത്തിൽ കാലിന് പരുക്കേറ്റ ഒരാളെ മെഡിക്കൽ കോളേജ് ആശുപത്രിയിലേക്ക് മാറ്റി. വീണ മറ്റ് യാത്രക്കാർക്ക് ആർക്കും തന്നെ ഗുരുതരമായ പരുക്കുകളില്ല. ഒരേസമയം നിരവധി ആളുകൾ എസ്കലേറ്ററിൽ കയറിയത് മൂലമുണ്ടായ ഓവർലോഡ് കാരണമാകാം ഇത്തരമൊരു അപകടം സംഭവിച്ചതെന്നാണ് റെയിൽവേ നിലവിൽ നൽകുന്ന വിശദീകരണം.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
