കൊച്ചി : ചേരാനല്ലൂര് പോലീസ് സ്റ്റേഷനില് നിന്നും ഇന്നലെ രാത്രി 11 മണിയോടെ ചാടിപ്പോയ പ്രതികളെ പിടികൂടി. കാക്കനാട് നിന്നുമാണ് ഇരുവരെയും പിടികൂടിയത്. ചേരാനല്ലൂര് പോലീസ് സ്റ്റേഷനില് നിന്ന് റിമാന്ഡ് പ്രതിയുള്പ്പടെ രണ്ട് പേരാണ് കടന്നുകളഞ്ഞത്. മയക്കുമരുന്ന്, പിടിച്ചുപറി കേസുകളിലെ പ്രതികളായ അരുണ് സെബാസ്റ്റ്യന്, ആന്റണി ഡി കോസ്റ്റ എന്നിവരാണ് രക്ഷപ്പെട്ടത്. തുടര്നടപടികള്ക്കായി സ്റ്റേഷനില് കസ്റ്റഡിയിലിരിക്കവേയാണ് രക്ഷപ്പെട്ടത്. പ്രതികള് തമ്മില് പരസ്പരം കലഹിക്കുന്നത് ഒഴിവാക്കുന്നതിനായി അരുണ് സെബാസ്റ്റ്യനെ സെല്ലിനുള്ളിലും ആന്സന് ഡി കോസ്റ്റയെ സെല്ലിന് പുറത്തുമാണ് ഇരുത്തിയിരുന്നത്. രാത്രി 11 മണിയോടെ ഇരുവരും സ്റ്റേഷനില്നിന്നും രക്ഷപ്പെടുകയായിരുന്നു.
