വിഴിഞ്ഞം : കാഞ്ഞിരംകുളം മുന് പഞ്ചായത്ത് പ്രസിഡന്റിനെ കൈഞരമ്പ് മുറിച്ചശേഷം തൂങ്ങിമരിച്ച നിലയില് കണ്ടെത്തി. കാഞ്ഞിരംകുളം മാവിള വീട്ടില് കുഞ്ഞുകൃഷ്ണന് നാടാരുടെ സഹോദര പുത്രനും പരേതരായ രാഘവന് നാടാരുടെയും കമലാഭായിയുടെയും മകനും മുന് മന്ത്രി എം.ആര്.രഘുചന്ദ്ര ബാലിന്റെ സഹോദരനുമായ എം. ആര്. രാജഗുരുബാലിനെ (75 ) യാണ് തൂങ്ങി മരിച്ച നിലയില് കണ്ടത്. വെള്ളിയാഴ്ച രാവിലെ കാഞ്ഞിരംകുളം ജംഗ്ഷന് സമീപം യുവജന സംഘം ലൈബ്രറി ഹാളിലാണ് മൃതദേഹം കണ്ടത്.
വ്യാഴാഴ്ച്ച രാത്രിയാണ് സംഭവം നടന്നതെന്നാണ് പോലീസ് നിഗമനം. രണ്ടുനില കെട്ടിടത്തില് താഴത്തെ ലൈബ്രറി ഹാളിലാണ് തൂങ്ങിയ നിലയില് രാജഗുരു ബാലിനെ കണ്ടത്. കൊവിഡ് പോസീറ്റീവ് ആയിട്ട് ഒഴാഴ്ച്ചയായി പുറത്തിറങ്ങാതെ ഇതിനകത്തായിരുന്നതായി നാട്ടുകാര് പറയുന്നു. കഴിഞ്ഞ ദിവസം ടെസ്റ്റ് നടത്തി നെഗീറ്റീവ് ആയതിന്റെ പ്രിന്റും ചുമരില് പതിച്ചിരുന്നു. കൂടാതെ ആത്മഹത്യാം കുറിപ്പും എഴുതിവെച്ചിരുന്നു.
