കോന്നി : കഞ്ചാവ് കൈവശം വെച്ച് വില്പന നടത്തിയ സംഭവത്തില് രണ്ട് പേരെ പത്തനംതിട്ട എക്സൈസ് സ്ക്വാഡിന്റെ നേതൃത്വത്തില് പിടികൂടി. കൂടല് ജങ്ക്ഷന് സമീപത്ത് നിന്നുമാണ് ഇവരെ പിടികൂടിയത്. പത്തനാപുരം പാതിരിക്കല് മുറി പുത്തന്വീട് ആനക്കുഴിയില് നിസാമുദ്ദീന്, കുണ്ടയം മലങ്കാവ് പടിഞ്ഞാറ്റതില് വീട്ടില് ഹനൂജ് എം എന്നിവരാണ് പിടിയിലായത്. ഇവരില് നിന്നും 1.978 ഗ്രാം കഞ്ചാവും ഇവര് സഞ്ചരിച്ച കാറും സംഘം കസ്റ്റഡിയിലെടുത്തു.
പത്തനംതിട്ട എക്സൈസ് സ്കാഡ് സര്ക്കിള് ഇന്സ്പെക്ടറുടെ നേതൃത്വത്തില് നടന്ന അന്വേഷണത്തില് ഇന്സ്പെക്ടര് ജയകുമാര് പി, പ്രിവന്റിവ് ഓഫീസര് ഗിരീഷ്.ബി, വനിതാ എക്സൈസ് ഓഫീസര് ജിജി ബാബു, സിവില് ഓഫീസര്മാരായ നിതിന് ശ്രീകുമാര്, അഭിജിത്ത് എം.കെ, രാഹുല് ആര്, അഭിജിത്ത്.എം എന്നിവര് പങ്കെടുത്തു.
