മനാമ: ബഹ്റൈനിലേക്ക് മയക്കുമരുന്ന് കടത്താന് ശ്രമിച്ച പ്രവാസി യുവാവ് ബഹ്റൈന് അന്താരാഷ്ട്ര വിമാനത്താവളത്തില് പിടിയിലായി. ബഹ്റൈനില് വിമാനമിറങ്ങിയ ഇയാള് ആകെ അസ്വസ്ഥനായി കാണപ്പെട്ടതോടെയാണ് ഉദ്യോഗസ്ഥര്ക്ക് സംശയം തോന്നിയതെന്ന് കസ്റ്റംസ് ഓഫീസര് പബ്ലിക് പ്രോസിക്യൂഷനോട് പറഞ്ഞു. ഉദ്യോഗസ്ഥര് ഇയാളെ സമീപിച്ച് സമാധാനമായിരിക്കാന് ഉപദേശിക്കുകയും അതേസമയം തന്നെ വിമാനത്താവളത്തിലെ ആന്റി നര്ക്കോട്ടിക്സ് വിഭാഗം ഉദ്യോഗസ്ഥരെ അറിയിക്കുകയുമായിരുന്നു.
വയറിന്റെ എക്സ്റേ പരിശോധിച്ചപ്പോള് വൃത്താകൃതിയിലുള്ള ചില അസ്വഭാവിക വസ്തുക്കള് ശ്രദ്ധയില്പെട്ടു. ലോവര് ക്രിമിനല് കോടതിയില് ഹാജരാക്കിയ പ്രതി കുറ്റം സമ്മതിച്ചു. ഹാഷിഷും ക്രിസ്റ്റല് മെത്തുമടങ്ങുന്ന 96 മയക്കുമരുന്ന് ഗുളികകള് ബഹ്റൈനിലേക്ക് കടത്താന് ശ്രമിച്ചെന്ന് ഇയാള് സമ്മതിച്ചു. കേസിന്റെ വിചാരണ അടുത്തയാഴ്ച ആരംഭിക്കും.