കോന്നി : എസ്.എൻ.ഡി.പി യോഗം 349 നമ്പർ വകയാർ ശാഖയുടെയും കാരുണ്യ ഐ ഹോസ്പിറ്റലിന്റെയും നേതൃത്വത്തിൽ നേത്ര പരിശോധന ക്യാമ്പും തിമിരരോഗ നിർണയവും നടന്നു. എസ്.എൻ.ഡി.പി യോഗം പത്തനംതിട്ട യൂണിയൻ പ്രസിഡണ്ട് കെ.പത്മകുമാർ ക്യാമ്പ് ഉദ്ഘാടനം ചെയ്തു. ശാഖ പ്രസിഡണ്ട് പി.എ.ശശി അധ്യക്ഷത വഹിച്ചു. യോഗം അസിസ്റ്റന്റ് സെക്രട്ടറി ടി.പി.സുന്ദരേശൻ, മൈക്രോ ഫൈനാൻസ് യൂണിയൻ കോർഡിനേറ്റർ കെ.ആർ.സലീലനാഥ്, ക്യാമ്പ് കോർഡിനേറ്റർ റോബിൻ രാജു, ശാഖ സെക്രട്ടറി കെ.വി.വിജയചന്ദ്രൻ, വനിതാ സംഘം യുണിറ്റ് പ്രസിഡണ്ട് പി.കെ.പുഷ്പവതി, സെക്രട്ടറി ഷൈനി സന്തോഷ് തുടങ്ങിയവർ സംസാരിച്ചു.
ക്യാമ്പിൽ പങ്കെടുത്തവർക്ക് ജില്ലാ അന്ധത നിവാരണ സമിതിയുടെ സഹായത്തോടെ സൗജന്യ ശസ്ത്രക്രിയ ചെയ്യുന്നതിനും കേന്ദ്ര സംസ്ഥാന സർക്കാരുകളുടെ ആയുഷ്മാൻ ഭാരത്, കെ.എ.എസ്.പി പദ്ധതികൾ വഴി ഇൻഷ്വറൻസ് പരിരക്ഷ ലഭിക്കുന്നതിനും രോഗികൾക്കു തിമിര ശസ്ത്രക്രിയയും ഞരമ്പ് സംബദ്ധമായ ശസ്ത്രക്രിയയും കണ്ണടകൾ ആവശ്യമുള്ളവർക്ക് കുറഞ്ഞ നിരക്കിൽ നല്കുന്നതിനുമുള്ള ക്രമീകരങ്ങളും ചെയ്തു.