അഹമ്മദാബാദ് : ഹിന്ദു യുവാവിനൊപ്പം കഴിയാനായി വ്യാജ രേഖകള് ഉണ്ടാക്കിയ ബംഗ്ലാദേശി യുവതി അറസ്റ്റില്. സിറീന അക്തര് ഹുസൈന് എന്ന മുപ്പത്തിമൂന്നുകാരിയാണ് ഗുജറാത്തിലെ അഹമ്മദാബാദ് റൂറല് പോലീസിന്റെ സ്പെഷ്യല് ഓപ്പറേഷന് ഗ്രൂപ്പിന്റെ പിടിയിലായത്. യുവതിയ്ക്കൊപ്പം കഴിഞ്ഞിരുന്ന ഹിന്ദു യുവാവ് ഹിതേഷ് ജോഷിയുടെ മാതാപിതാക്കളാണ് വിവരം നാട്ടുകാര് വഴി പോലീസില് അറിയിച്ചത് .
2017 മുതല് അവള് ഹിതേഷുമായി ഒരുമിച്ച് താമസിച്ചു വരികയായിരുന്നു. ഇതിനായി യുവതി വ്യാജ ആധാര്, പാസ്പോര്ട്ട് , പാന് കാര്ഡുകള് എന്നിവയും ചമച്ചിരുന്നു. ഹിതേഷിനൊപ്പമുള്ള ജീവിതത്തില് ഇവര്ക്ക് ഒരു മകളും ജനിച്ചിരുന്നു. 20 ദിവസം മുന്പുണ്ടായ അപകടത്തില് ഹിതേഷ് മരിച്ചതിനെത്തുടര്ന്നാണ് വിവരം മാതാപിതാക്കള് അറിയുന്നത്. ബംഗ്ലാദേശി മുസ്ലീം യുവതി ഹിതേഷിനും തങ്ങള്ക്കും ദുരിതം സമ്മാനിച്ചെന്ന് ഹിതേഷിന്റെ മാതാപിതാക്കള് ആരോപിച്ചു.
അഹമ്മദാബാദ് പോലീസ് സിറീനയുടെ വീട്ടില് നടത്തിയ പരിശോധനയില് ഇന്ത്യയുടെയും, ബംഗ്ലാദേശിന്റെയും പാസ്പോര്ട്ടുകള് കണ്ടെത്തി. അഹമ്മദാബാദ്, ഹൈദരാബാദ് വിലാസങ്ങളുള്ള രണ്ട് ആധാറും രണ്ട് പാന് കാര്ഡുകളും പോലീസ് കണ്ടെത്തി. ഗുട്ട സോനു ബിശ്വാസ് എന്ന പേരിലായിരുന്നു വ്യാജ പാന് കാര്ഡ്. പിന്നീട് ഹിതേഷുമായി താമസം തുടങ്ങിയപ്പോള് സോനു ഹിതേഷ് ജോഷി എന്ന പേരില് പുതിയ ആധാര് കാര്ഡും പാന് കാര്ഡും ലഭിച്ചു. താന് പ്രണയത്തിനു വേണ്ടിയാണ് ഇത് ചെയ്തതെന്നാണ് യുവതി പോലീസിനോട് പറഞ്ഞത്. കോടതിയില് ഹാജരാക്കിയ യുവതിയെ റിമാന്ഡ് ചെയ്തു .
