റാന്നി: വൈക്കം 1557ആം നമ്പർ സൻമാർഗ്ഗദായിനി എൻ.എസ്.എസ് കരയോഗത്തിന്റെ ആഭിമുഖ്യത്തിൽ നടത്തിയ കുടുംബ സംഗമം റാന്നി താലൂക്ക് യൂണിയൻ പ്രസിഡന്റ് അഡ്വ. വി.ആർ രാധാകൃഷ്ണൻ ഉത്ഘാടനം ചെയ്തു. കരയോഗം പ്രസിഡന്റ് അഡ്വ. ഷൈൻ ജി കുറുപ്പ് അധ്യക്ഷത വഹിച്ചു. കരയോഗം സെക്രട്ടറി രൂപേഷ് കെ ശശി സ്വാഗതം ആശംസിച്ചു. താലൂക്ക് യൂണിയൻ വൈസ് പ്രസിഡന്റ് എം.എ ഗോപാലൻ നായർ മുഖ്യപ്രഭാഷണം നടത്തി. തുടർന്ന് കുട്ടികൾക്കുള്ള പഠനോപകരണങ്ങൾ വിതരണം ചെയ്തു. എസ്.എസ്.എൽ.സി, പ്ലസ് ടു പരീക്ഷകളിൽ വിജയിച്ചവരെ മൊമെന്റോ നൽകി ആദരിച്ചു. കരയോഗം എന്ഡോവ്മെന്റ്കള് വിതരണം ചെയ്തു. കൂടാതെ കരയോഗം ഡയറക്ടറിയുടെ പ്രകാശനവും വിതരണവും നടന്നു.
പഞ്ചായത്ത് തെരഞ്ഞെടുപ്പില് വിജയിച്ച കരയോഗം അംഗം ആയ എം.ആർ വിനോദ് കുമാറിനെ മൊമെന്റോ നൽകി ആദരിച്ചു. തുടര്ന്ന് കുട്ടികളുടെയും മുതിർന്നവരുടെയും കലാപരിപാടികൾ നടന്നു. യൂണിയൻ സെക്രട്ടറി മഹേഷ് കെ.എം, വനിതാ യൂണിയൻ പ്രസിഡന്റ് ലേഖ ഗോപകുമാർ, വിവിധ കരയോഗം പ്രസിഡന്റ്മാരായ അനീഷ് പി നായർ, കെ.കെ സത്യശേഖരൻ നായർ, ബാലകൃഷ്ണൻ നായർ എം.പി, കരയോഗ വനിതാസമാജം പ്രസിഡന്റ് ശ്യാമളാദേവി എന്നിവർ പ്രസംഗിച്ചു. കരയോഗം ട്രഷറര് പി പി ഗോപാലൻ നായർ കൃതജ്ഞത രേഖപ്പെടുത്തി.
