കുട്ടനാട് : എല്ലാ കര്ഷകര്ക്കും നഷ്ടപരിഹാരം നല്കിയിട്ടുണ്ടെന്ന് കുട്ടനാട് എംഎല്എ. മുഖ്യമന്ത്രിയെ ഇന്നു തന്നെ കണ്ട് പ്രശ്നങ്ങള് അറിയിക്കുമെന്ന് തോമസ് കെ തോമസ് പറഞ്ഞു. മരിച്ച കര്ഷകന് 2000 രൂപ മാത്രമാണ് ലഭിച്ചതെന്ന പരാതിയും അന്വേഷിക്കുമെന്നും അദ്ദേഹം വ്യക്തമാക്കി. അതിനിടെ, വെണ്മണിയില് 150 ഏക്കര് മുങ്ങിയെന്ന് പാടശേഖര സമിതി സെക്രട്ടറി പറഞ്ഞു. അച്ചന്കോവിലാറില് നിന്ന് വെള്ളം കയറുന്നത് തുടരുകയാണ്. പല സഹായവും പറയുന്നതല്ലാതെ പത്തുപൈസ പോലും ഇതുവരെ കിട്ടിയില്ലെന്നും മന്ത്രിയെ വിളിച്ചപ്പോള് രണ്ടുദിവസം കഴിഞ്ഞു വരാമെന്ന് പറഞ്ഞെന്നും സെക്രട്ടറി എന്.ആര് ശ്രീധരന് പറഞ്ഞു. തിരുവല്ല നിരണത്ത് കര്ഷകന് പാടവരമ്പത്തെ മരത്തില് തൂങ്ങി മരിച്ചതിനോട് പ്രതികരിക്കുകയായിരുന്നു അദ്ദേഹം.
