പത്തനംതിട്ട : പ്രാദേശിക കർഷകരും ജൈവകൃഷിയും മാരകരോഗങ്ങളെ തടയുന്നു, ഈ നിലയിൽ കർഷക ദിനാചരണവും കർഷകരെ ആദരിക്കലും നടത്തുന്നത് ആരോഗ്യരംഗത്തെ വലിയ പ്രതിരോധ പ്രവർത്തനമാണ് എന്ന് ആരോഗ്യമന്ത്രി വീണ ജോർജ് പറഞ്ഞു. പത്തനംതിട്ട നഗരസഭയുടെയും കാർഷിക വികസന സമിതിയുടെയും സംയുക്ത ആഭിമുഖ്യത്തിൽ നടന്ന കർഷക ദിനാചരണം ഉദ്ഘാടനം ചെയ്യുകയായിരുന്നു അവർ. നഗരസഭാ ചെയർപേഴ്സൺ അഡ്വ. റ്റി. സക്കീർ ഹുസൈൻ അദ്ധ്യക്ഷത വഹിച്ചു.
നഗരസഭ വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ കെ.ആർ അജിത് കുമാർ, ആരോഗ്യകാര്യ സ്റ്റാൻഡിങ് കമ്മിറ്റി ചെയർപേഴ്സൺ ജെറി അലക്സ്, കൗൺസിലർമാരായ അഡ്വ.എ സുരേഷ് കുമാർ, വിമല ശിവൻ, അംബിക വേണു, എ അഷറഫ്, ബിജിമോൾ മാത്യു, കാർഷിക വികസന സമിതി അംഗങ്ങളായ പി.കെ ദേവാനന്ദൻ, ഷാഹുൽ ഹമീദ്, കെ മോഹനൻ, സാം മാത്യു വലിയകര, നൗഷാദ് കണ്ണങ്കര, സിഡിഎസ് ചെയർപേഴ്സൺ പൊന്നമ്മ ശശി, കൃഷി ഫീൽഡ് ഓഫീസർ ഷിബി എൽ, അസിസ്റ്റൻറ് കൃഷി ഓഫീസർ, വി. ബിജു തുടങ്ങിയവർ പ്രസംഗിച്ചു. ചടങ്ങിൽ നഗരസഭയിലെ തെരഞ്ഞെടുക്കപ്പെട്ട കർഷകരെ ആദരിച്ചു.
