കർഷക ദിനാചരണം സംഘടിപ്പിച്ചു

കോന്നി : ചിങ്ങം ഒന്ന് കർഷക ദിനത്തോട് അനുബന്ധിച്ച് സീതത്തോട് കൃഷി ഭവന്റെയും ഗ്രാമ പഞ്ചായത്തിൻറെയും കാർഷിക വികസന സമിതിയുടെയും സംയുക്താഭിമുഖ്യത്തിൽ സീതത്തോട് ഗ്രാമ പഞ്ചായത്ത് ഹാളിൽ സംഘടിപ്പിച്ച കർഷക ദിനാചരണം ജില്ലാ പഞ്ചായത്ത് പൊതുമരാമത്ത് ചെയർപേഴ്സൺ ലേഖ സുരേഷ് ഉദ്ഘാടനം ചെയ്തു. സീതത്തോട് ഗ്രാമ പഞ്ചായത്ത് പ്രസിഡണ്ട് പി ആർ പ്രമോദ് അധ്യക്ഷത വഹിച്ചു. തുടർന്ന് പരിപാടിയിൽ മികച്ച കർഷകരെ ആദരിച്ചു. ബ്ലോക്ക് പഞ്ചായത്ത് വൈസ് പ്രസിഡൻറ് സുജ ഇ എസ്, ബ്ലോക്ക് പഞ്ചായത്ത് അംഗം നബീസത്ത് ബീവി, പഞ്ചായത്ത് അംഗങ്ങൾ കാർഷിക വികസന സമിതി അംഗങ്ങൾ തുടങ്ങിയവർ പങ്കെടുത്തു.