കോഴിക്കോട് : ബിജെപിക്കെതിരെ രൂക്ഷ വിമര്ശനവുമായി എംഎസ്എഫ് മുന് ദേശീയ വൈസ് പ്രസിഡന്റ് ഫാത്തിമ തെഹ്ലിയ. സാമുദായിക വിദ്വേഷം ആളികത്തിച്ചു വിഭാഗീയതയുണ്ടാക്കി വോട്ട് നേടാനാണ് സംഘ് പരിവാര് ശ്രമിക്കുന്നതെന്നും കേരളത്തിലെ മതേതര പാര്ട്ടികള് ഒന്നിച്ചില്ലെങ്കില് അടുത്ത തവണ കേരളം ബി.ജെ.പി മുന്നണിയായി മാറുമെന്നും ഫാത്തിമ തെഹ്ലിയ തന്റെ ഫേസ്ബുക്ക് കുറിപ്പിലൂടെ വ്യക്തമാക്കി.
ഫേസ്ബുക്ക് കുറിപ്പിന്റെ പൂര്ണരൂപം:
ചിത്രം വ്യക്തമാണ്. മുസ്ലിം വിരുദ്ധതയില് അധിഷ്ഠിതമായ ഒരു രാഷ്ട്രീയ പരിസരം ഇതിനോടകം കേരളത്തില് രൂപപെട്ട് വന്നിട്ടുണ്ട്. സാമുദായിക വിദ്വേഷം ആളികത്തിച്ചു വിഭാഗീയതയുണ്ടാക്കി വോട്ട് നേടാനാണ് സംഘ് പരിവാര് ശ്രമിക്കുന്നത്. പല തവണ കേരളത്തില് പരാജയപ്പെട്ട ഈ ശ്രമം ഇത്തവണ വിജയത്തോട് അടുക്കുന്നു എന്ന് ഭയപ്പെടേണ്ടി വരും. സംഘടിതമായ ഈ മുസ്ലിം വിരുദ്ധ വര്ഗീയ പ്രചരണത്തെ തോല്പിക്കാന് കേരളത്തിലെ മതേതര പാര്ട്ടികള് ഒന്നിച്ചില്ലെങ്കില് അടുത്ത തവണ കേരളം ബി.ജെ.പി മുന്നണിയാകും.
