കോന്നി : ഓണത്തിൻറെ വരവറിയിച്ച് അത്തം പിറന്നപ്പോൾ കോന്നി ഇക്കോ ടൂറിസം സെന്ററിൽ വനം വകുപ്പ് ഉദ്യോഗസ്ഥരും ഇക്കോ ടൂറിസം ജീവനക്കാരും ചേർന്ന് അത്തപൂക്കളം ഒരുക്കി. കോന്നിയിലെ വിവിധ ഓഫീസുകളിലും ജീവനക്കാർ ചേർന്ന് പൂക്കളം ഒരുക്കി. കേരളീയ വേഷത്തിൽ അണിഞ്ഞൊരുങ്ങി എത്തിയ ജീവനക്കാർ അത്ത പൂക്കളത്തിന് ചുറ്റും നിന്ന് മൊബൈലിൽ ചിത്രങ്ങൾ പകർത്തിയും ആർപ്പ് വിളിച്ചും ഓണത്തെ എതിരേറ്റു. മുൻപ് തൊടിയിലും പാടത്തും നടന്നു പൂക്കൾ ശേഖരിച്ചാണ് അത്തപൂക്കളങ്ങൾ ഒരുക്കിയിരുന്നത്. എന്നാൽ കാലം മാറിയതോടെ അന്യ സംസ്ഥാനത്ത് നിന്നും വരുന്ന പൂക്കൾ ആണ് മലയാളികൾ അത്തമിടാൻ ഉപയോഗിക്കുന്നത്.
