തിരുവനന്തപുരം : കേരളത്തിൽ നിയമസഭ തിരഞ്ഞെടുപ്പിനുള്ള അന്തിമ വോട്ടർ പട്ടിക പ്രഖ്യാപിച്ചു. സംസ്ഥാനത്ത് ആകെ 2,67,31,509 വോട്ടർമാർ. 5,79,083 പേരാണ് പുതിയതായി വോട്ടർ പട്ടികയിൽ പേരു ചേർത്തത്. 1.56 ലക്ഷം പേരുകൾ വോട്ടർ പട്ടികയിൽനിന്നു നീക്കം ചെയ്തു. വോട്ടർ പട്ടികയിൽ പേരു ചേർക്കാൻ ഇനിയും അവസരം നൽകുമെന്ന് മുഖ്യ തിരഞ്ഞെടുപ്പ് ഓഫിസർ ടിക്കാറാം മീണ തിരുവനന്തപുരത്തു നടത്തിയ വാർത്താ സമ്മേളനത്തിൽ അറിയിച്ചു.
ഏറ്റവും കൂടുതൽ വോട്ടർമാർ മലപ്പുറത്താണ്, കുറവ് വയനാട്ടിലും. കന്നി വോട്ടർമാർ 2.99 ലക്ഷം. 1,37,79,263 സ്ത്രീ വോട്ടർമാരും 221 ട്രാൻസ്ജെൻഡർമാരും 90,709 പ്രവാസി വോട്ടർമാരുമാണ് ഉള്ളത്. 15,730 പോളിങ് സ്റ്റേഷനുകൾ കൂടി നിലവിൽ വരും. ആയിരം പേർക്ക് ഒരു പോളിങ് സ്റ്റേഷൻ എന്ന നിലയിൽ ആകെ 40,771 പോളിങ് സ്റ്റേഷനുകൾ ഉണ്ടാകും.
