കൊല്ലം: മുളങ്കാടകം ക്ഷേത്രത്തിലുണ്ടായ തീപിടുത്തത്തില് ചുറ്റമ്പലത്തിന്റെ മുന്ഭാഗം കത്തിനശിച്ചു. വെളുപ്പിന് നാലുമണിയോടെയാണ് തീപിടിച്ചത് .
ചുറ്റമ്പലത്തിന് മുകളില്നിന്ന് തീ ഉയരുന്നത് ദേശീയപാതയില് പട്രോളിങ് നടത്തുന്ന പോലീസിന്റെ ശ്രദ്ധയില്പ്പെടുകയായിരുന്നു. തുടര്ന്ന് ഫയര്ഫോഴ്സിന് വിവരം നല്കി. സമീപവാസികളും നാട്ടുകാരും തീ അണക്കാന് ശ്രമം തുടരുന്നതിനിടെ ചാമക്കട, കടപ്പാക്കട ഫയര്ഫോഴ്സ് എത്തി ഏറെ നേരത്തേ പരിശ്രമത്തിനൊടുവില് തീ അണച്ചു.
ചുറ്റമ്പലത്തിന്റെ മുന്ഭാഗം മുഴുവന് കത്തിനശിച്ചു. ക്ഷേത്രം തടിയില് നിര്മ്മിച്ചതിനാല് തീ അതിവേഗം പടര്ന്നുപിടിക്കുകയായിരുന്നു. ചുറ്റമ്പലത്തിന് മുമ്പിലെ ഗോപുരത്തില് സ്ഥാപിച്ചിരുന്ന കെടാവിളക്കില് നിന്ന് തീ പടര്ന്നതാകാമെന്നാണ് നിഗമനം.
