അടൂര് : കിണര് വൃത്തിയാക്കാന് ഇറങ്ങിയ തൊഴിലാളിക്ക് കിണറ്റില് നിന്നും തിരിച്ചു കയറാന് കഴിഞ്ഞില്ല. അടൂര് കണ്ണങ്കോട് ആമ്പല്ലൂര് അനു ജോയിയുടെ വീട്ടിലെ കിണര് വൃത്തിയാക്കാന് ഇറങ്ങിയ മനു (36) ആണ് കിണറ്റില് നിന്നും തിരികെ കയറാന് കഴിയാതെ അകപ്പെട്ടത്. തുടര്ന്ന് അടൂര് ഫയര് ഫോഴ്സ് സ്ഥലത്ത് എത്തുകയും വലയും കയറും ഉപയോഗിച്ച് ഇയാളെ രക്ഷപെടുത്തുകയുമായിരുന്നു. സീനിയര് ഫയര് ആന്ഡ് റസ്ക്യു ഓഫീസര് അനില് രാജ്, സേനാംഗങ്ങളായ അരുണ് ജിത്ത്, കൃഷ്ണകുമാര്, സന്തോഷ്, ദീപേഷ്, അജീഷ്, വേണു എന്നിവരാണ് രക്ഷാ പ്രവര്ത്തനം നടത്തിയത്. യുവാവിന് മറ്റ് ആരോഗ്യ പ്രശ്നങ്ങള് ഒന്നുമില്ല.
