തിരുവല്ല: തിരുവല്ല-അമ്പലപ്പുഴ സംസ്ഥാന പാതയില് താലൂക്ക് ആശുപത്രിപ്പടിയില് നിയന്ത്രണം നഷ്ടപ്പെട്ട കണ്ടെയ്നര് ലോറി നടപ്പാതയിലേക്ക് ഇടിച്ചു കയറി. താലൂക്ക് ആശുപത്രിപ്പടിയിലെ കുത്തനെയുള്ള ഇറക്കത്തില് ഇന്ന് പുലര്ച്ചെ ആറു മണിയോടെ ആയിരുന്നു അപകടം. തിരുവല്ല ഭാഗത്ത് നിന്നും മീന് കയറ്റി വന്ന ആലപ്പുഴ മര്വ ഫിഷേഴ്സിന്റെ ഉടമസ്ഥതയിലുള്ള ലോറിയാണ് അപകടത്തില്പ്പെട്ടത്. നടപ്പാതയുടെ കൈവരി തകര്ത്ത ലോറി സ്വകാര്യ വ്യക്തിയുടെ മതിലും ഇടിച്ചു തകര്ത്തു. ലോറിയുടെ മുന് വശത്തെ ടയര് പഞ്ചറായതാണ് അപകട കാരണമെന്ന് പോലീസ് പറഞ്ഞു. ലോറിയുടെ മുന് വശം പൂര്ണമായും തകര്ന്നു. അപകടത്തില് ആര്ക്കും പരിക്കില്ല.
