പന്തളം : ഓട്ടോയും സ്കൂട്ടറും കൂട്ടിയിടിച്ച് മത്സ്യ വ്യാപാരി മരിച്ചു. കുളനട പുന്തല മുകടിയിൽ നജീബ് ഭവനിൽ രാജാ സലീം (65) യാണ് മരിച്ചത്. വ്യാഴാഴ്ച പുലർച്ചെ നാലിന് എം.സി റോഡിൽ പന്തളം കുറുന്തോട്ടി പാലത്തിനു സമീപമായിരുന്നു അപകടം. കടയക്കാട് മത്സ്യമാർക്കറ്റിൽ മത്സ്യം എടുക്കുന്നതിനായി സ്കൂട്ടറിൽ വരുമ്പോൾ ഓട്ടോറിക്ഷ ഇടിച്ചു വീഴ്ത്തുകയായിരുന്നു.
പുലർച്ചെ റോഡില് ആരും ഇല്ലാത്തതിനാല് ഇടിയുടെ ആഘാതത്തില് തെറിച്ചു വീണ അബ്ദുള്ഖാദര് മണിക്കൂറുകളോളം റോഡില് കിടക്കേണ്ടി വന്നു. ഏറെ നേരം കഴിഞ്ഞ് ഇതുവഴി വന്ന മത്സ്യ വ്യാപാരിയാണ് പോലീസിനെ വിവരം അറിയിച്ചത്. തുടർന്ന് പോലീസ് സ്ഥലത്തെത്തി പന്തളത്തെ സ്വകാര്യ ആശുപത്രിയിലും പിന്നീട് ആലപ്പുഴ വണ്ടാനം മെഡിക്കൽ കോളേജിലും എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: നസീമ, മക്കൾ: നസീർ, നവാസ്, നജീബ്. മരുമക്കൾ: മുനീറ, ആദില.