കോട്ടയം : കുടുംബവഴക്കിനെത്തുടര്‍ന്ന് ഭര്‍ത്താവ് ഭാര്യയെ ശ്വാസം മുട്ടിച്ച്‌ കൊലപ്പെടുത്തിയതിന് ശേഷം തൂങ്ങിമരിച്ചു. അയര്‍ക്കുന്നം പതിയ്ക്കല്‍ സുധീഷ് (34), ഭാര്യ റ്റിന്റു എന്നിവരാണ് മരിച്ചത്. ടിന്റു കട്ടിലിന് സമീപം ഷാല്‍ കഴുത്തില്‍ കുരുങ്ങി മരിച്ച നിലയിലും. സുധീഷ് ഇരുകൈകളിലേയും ഞരമ്പുകള്‍ മുറിച്ചതിന് ശേഷം തൂങ്ങി മരിക്കുകയുമായിരുന്നു. ഇന്ന് രാവിലെ പത്ത് മണിയോടെ സംഭവം പുറംലോകം അറിയുന്നത്. കുടുംബവഴക്കാണ് കൊലപാതകത്തില്‍ കലാശിച്ചത്.
ഇന്നലെ ഇവരെ ഫോണില്‍ വിളിച്ചപ്പോള്‍ കിട്ടിയിരുന്നില്ല. ഇന്ന് രാവിലെ ടിന്റുവിന്റെ അമ്മ വീട്ടില്‍ വന്ന് പരിശോധിച്ചപ്പോഴാണ് മൃതദേഹങ്ങള്‍ കണ്ടത്. സുധീഷ് വിദേശത്തായിരുന്നു. ഒന്നരമാസം മുന്‍പാണ് മടങ്ങി എത്തിയത്. ടിന്റുവിനെയും വിദേശത്തേക്ക് കൊണ്ടുപോകാനുളള തയ്യാറെടുപ്പിലായിരുന്നു. ഇവര്‍ കഴിഞ്ഞ ദിവസം തിരുവനന്തപുരത്തിന് പോയിരുന്നതായി പറയുന്നു. ഇവര്‍ക്ക് ആറ് വയസ്സുളള മകനുണ്ട്. മകനെ കഴിഞ്ഞ ദിവസം ബന്ധുവിന്റെ വീട്ടിലേക്ക് മാറ്റിയിരുന്നു.
